| ამ სეზონში ტიერი ანრი ტრავმებმა დატანჯეს. ფრანგმა ფორვარდმა რამდენიმე მატჩიც გამოტოვა. საბედისწერო აღმოჩნდა ჩემპიოპნთა ლიგის 1/8 ფინალის განმეორებითი შეხვედრა, რომელშიც ახლად ტრავმამოშუშებული ანრი მეორე ტაიმში შევიდა მოედანზე, მაგრამ დაზიანება გაურთულდა და ახლა უკვე სეზონის ბოლომდე მოუწევს დასვენება.
ანრიმ ამ სეზინში მხოლოდ 27 მატჩი ჩაატარა. მას წელის ტრავმა ჰქონდა. "პსვ"-სთან შეხვედრაში ფეხბურთელს ეს ტრავმა გაურთულდა და არსენ ვენგერის განცხადებით ფრანგი ფორვარდი ზაფხულამდე ვერ დაეხმარება გუნდს.
"ტიერი ანრი მინიმუმ 3 თვე ვერ ითამაშებს. ეს იმას ნიშნავს, რომ იგი ამ სეზონში თამაშს ვეღარ შეძლებს, მაგრამ იმედი გვაქვს, რომ მომავალი სეზონისთვის სრულ მზადყოფნაში იქნება."
ასე რომ, ამ სეზონს ანრი მხოლოდ 12 გატანილი გოლით ასრულებს, რაც 1999 წელს "მონაკოდან" "არსენალში" გადასვლის შემდეგ მისი ყველაზე დაბალი შედეგია.
|
